Anlé nénu, ’ka tɔné dɔ, Maa we do fe ka lɛ. Bale bli bɔ munu ma, Wo faa wea a lee. Wa gona yo lé zia, Wo dan go lɛ kyɛ va; Bale lé ke wo bɔra, Amalé a bli kyɛ dɔ.

Bale Be a a va do, A wɛlɛ bɛ ’ka lo. Wo nyana la gi baa mi, We do ’ka wo va lo. Bale lé é Be lɛ léɛ: ’I go munu béli. Jézu lé é Ti lɛ léɛ: An Ti zin, maa ’bɛ nyi si.

Sokofale da zia, Kula, kula, kula, kula; Mari nyana a punu, Jozɛfu tawo a va. Wa gona- Bɛtlɛɛm, Munu nɔnɔle we ma, Mari wɛlɛi nyaa é ma, Yé a né yaa bléyi bɔ.

Wo ’ka nyanana zin ye lɛ lo, Fla kɔn faa a é fanle; Wi lé kɔn lé ke wa ye, Mi bli la a plɛplɛ. Mari Jézu yaa ’bɛna, Bale Be da ko va; É a é yiale lɔɔ ta, Dirinu valé ’blanu va.

Bale lanjenu nwunvɔ ’Blatabinzannu va. É léé: Wo Jézu yaa kyɔ, É da fu vɔ ka ma. Wedɔozannu wo si baa, Wo da Jézu blan nya; Wo powuo zun tɛrɛ va, Mari Be a mi blɛn nya.

Anlé nénu, ka a ’maa? We lé maa a fe ka lɛ; ’Ka bli lɛ so Jézu lɛ, ’Ka nyanana nɔ a lɛ. Jézu Kri da tɛrɛ la Ana mɔn, é kwakwa, Jézu da ko béli lɛ, Ko bli k’lɛ lɛ fu tata.